[139] โย กามราคานุสยญฺจ ปฏิฆานุสยญฺจ มานานุสยญฺจ ปชหติ โส ทิฏฺฐานุสยํ…เป.… วิจิกิจฺฉานุสยํ ปชหตีติ? นตฺถิฯ

โย วา ปน วิจิกิจฺฉานุสยํ ปชหติ โส กามราคานุสยญฺจ ปฏิฆานุสยญฺจ มานานุสยญฺจ ปชหตีติ?

ตเทกฏฺฐํ ปชหติฯ

โย กามราคานุสยญฺจ ปฏิฆานุสยญฺจ มานานุสยญฺจ ปชหติ โส ภวราคานุสยํ…เป.… อวิชฺชานุสยํ ปชหตีติ? นตฺถิฯ

โย วา ปน อวิชฺชานุสยํ ปชหติ โส กามราคานุสยญฺจ ปฏิฆานุสยญฺจ มานานุสยญฺจ ปชหตีติ?

มานานุสยํ ปชหติฯ (ติกมูลกํ)

[140] (ก) โย กามราคานุสยญฺจ ปฏิฆานุสยญฺจ มานานุสยญฺจ ทิฏฺฐานุสยญฺจ ปชหติ โส วิจิกิจฺฉานุสยํ ปชหตีติ? นตฺถิฯ

(ข) โย วา ปน วิจิกิจฺฉานุสยํ ปชหติ โส กามราคานุสยญฺจ ปฏิฆานุสยญฺจ มานานุสยญฺจ ทิฏฺฐานุสยญฺจ ปชหตีติ?

ทิฏฺฐานุสยํ ปชหติ กามราคานุสยญฺจ ปฏิฆานุสยญฺจ มานานุสยญฺจ ตเทกฏฺฐํ ปชหติ …เป.…ฯ (จตุกฺกมูลกํ)

[141] โย กามราคานุสยญฺจ ปฏิฆานุสยญฺจ มานานุสยญฺจ ทิฏฺฐานุสยญฺจ วิจิกิจฺฉานุสยญฺจ ปชหติ โส ภวราคานุสยํ…เป.… อวิชฺชานุสยํ ปชหตีติ? นตฺถิฯ

โย วา ปน อวิชฺชานุสยํ ปชหติ โส กามราคานุสยญฺจ ปฏิฆานุสยญฺจ มานานุสยญฺจ ทิฏฺฐานุสยญฺจ วิจิกิจฺฉานุสยญฺจ ปชหตีติ?

มานานุสยํ ปชหติฯ (ปญฺจกมูลกํ)

[142] (ก) โย กามราคานุสยญฺจ ปฏิฆานุสยญฺจ มานานุสยญฺจ ทิฏฺฐานุสยญฺจ วิจิกิจฺฉานุสยญฺจ ภวราคานุสยญฺจ ปชหติ โส อวิชฺชานุสยํ ปชหตีติ? นตฺถิฯ

(ข) โย วา ปน อวิชฺชานุสยํ ปชหติ โส กามราคานุสยญฺจ ปฏิฆานุสยญฺจ มานานุสยญฺจ ทิฏฺฐานุสยญฺจ วิจิกิจฺฉานุสยญฺจ ภวราคานุสยญฺจ ปชหตีติ?

มานานุสยญฺจ ภวราคานุสยญฺจ ปชหติฯ (ฉกฺกมูลกํ)

(ข) อนุโลมโอกาโส

[143] (ก) ยโต กามราคานุสยํ ปชหติ ตโต ปฏิฆานุสยํ ปชหตีติ? โนฯ

(ข) ยโต วา ปน ปฏิฆานุสยํ ปชหติ ตโต กามราคานุสยํ ปชหตีติ? โนฯ

(ก) ยโต กามราคานุสยํ ปชหติ ตโต มานานุสยํ ปชหตีติ? อามนฺตาฯ

(ข) ยโต วา ปน มานานุสยํ ปชหติ ตโต กามราคานุสยํ ปชหตีติ?

รูปธาตุยา อรูปธาตุยา ตโต มานานุสยํ ปชหติ, โน จ ตโต กามราคานุสยํ ปชหติฯ กามธาตุยา ทฺวีสุ เวทนาสุ ตโต มานานุสยญฺจ ปชหติ กามราคานุสยญฺจ ปชหติฯ

ยโต กามราคานุสยํ ปชหติ ตโต ทิฏฺฐานุสยํ…เป.… วิจิกิจฺฉานุสยํ ปชหตีติ? อามนฺตาฯ

ยโต วา ปน วิจิกิจฺฉานุสยํ ปชหติ ตโต กามราคานุสยํ ปชหตีติ?

ทุกฺขาย เวทนาย รูปธาตุยา อรูปธาตุยา ตโต วิจิกิจฺฉานุสยํ ปชหติ, โน จ ตโต กามราคานุสยํ ปชหติฯ กามธาตุยา ทฺวีสุ เวทนาสุ ตโต วิจิกิจฺฉานุสยญฺจ ปชหติ กามราคานุสยญฺจ ปชหติฯ

(ก) ยโต กามราคานุสยํ ปชหติ ตโต ภวราคานุสยํ ปชหตีติ? โนฯ

(ข) ยโต วา ปน ภวราคานุสยํ ปชหติ ตโต กามราคานุสยํ ปชหตีติ? โนฯ

(ก) ยโต กามราคานุสยํ ปชหติ ตโต อวิชฺชานุสยํ ปชหตีติ? อามนฺตาฯ

(ข) ยโต วา ปน อวิชฺชานุสยํ ปชหติ ตโต กามราคานุสยํ ปชหตีติ?

ทุกฺขาย เวทนาย รูปธาตุยา อรูปธาตุยา ตโต อวิชฺชานุสยํ ปชหติ, โน จ ตโต กามราคานุสยํ ปชหติฯ กามธาตุยา ทฺวีสุ เวทนาสุ ตโต อวิชฺชานุสยญฺจ ปชหติ กามราคานุสยญฺจ ปชหติฯ

[144] (ก) ยโต ปฏิฆานุสยํ ปชหติ ตโต มานานุสยํ ปชหตีติ? โนฯ

(ข) ยโต วา ปน มานานุสยํ ปชหติ ตโต ปฏิฆานุสยํ ปชหตีติ? โนฯ

ยโต ปฏิฆานุสยํ ปชหติ ตโต ทิฏฺฐานุสยํ…เป.… วิจิกิจฺฉานุสยํ ปชหตีติ? อามนฺตาฯ

ยโต วา ปน วิจิกิจฺฉานุสยํ ปชหติ ตโต ปฏิฆานุสยํ ปชหตีติ?

กามธาตุยา ทฺวีสุ เวทนาสุ รูปธาตุยา อรูปธาตุยา ตโต วิจิกิจฺฉานุสยํ ปชหติ, โน จ ตโต ปฏิฆานุสยํ ปชหติ ฯ ทุกฺขาย เวทนาย ตโต วิจิกิจฺฉานุสยญฺจ ปชหติ ปฏิฆานุสยญฺจ ปชหติฯ

(ก) ยโต ปฏิฆานุสยํ ปชหติ ตโต ภวราคานุสยํ ปชหตีติ? โนฯ

(ข) ยโต วา ปน ภวราคานุสยํ ปชหติ ตโต ปฏิฆานุสยํ ปชหตีติ? โนฯ

(ก) ยโต ปฏิฆานุสยํ ปชหติ ตโต อวิชฺชานุสยํ ปชหตีติ? อามนฺตาฯ

(ข) ยโต วา ปน อวิชฺชานุสยํ ปชหติ ตโต ปฏิฆานุสยํ ปชหตีติ?

กามธาตุยา ทฺวีสุ เวทนาสุ รูปธาตุยา อรูปธาตุยา ตโต อวิชฺชานุสยํ ปชหติ, โน จ ตโต ปฏิฆานุสยํ ปชหติฯ ทุกฺขาย เวทนาย ตโต อวิชฺชานุสยญฺจ ปชหติ ปฏิฆานุสยญฺจ ปชหติฯ

[145] ยโต มานานุสยํ ปชหติ ตโต ทิฏฺฐานุสยํ…เป.… วิจิกิจฺฉานุสยํ ปชหตีติ? อามนฺตาฯ

ยโต วา ปน วิจิกิจฺฉานุสยํ ปชหติ ตโต มานานุสยํ ปชหตีติ?

ทุกฺขาย เวทนาย ตโต วิจิกิจฺฉานุสยํ ปชหติ, โน จ ตโต มานานุสยํ ปชหติฯ กามธาตุยา ทฺวีสุ เวทนาสุ รูปธาตุยา อรูปธาตุยา ตโต วิจิกิจฺฉานุสยญฺจ ปชหติ มานานุสยญฺจ ปชหติฯ

(ก) ยโต มานานุสยํ ปชหติ ตโต ภวราคานุสยํ ปชหตีติ?

กามธาตุยา ทฺวีสุ เวทนาสุ ตโต มานานุสยํ ปชหติ, โน จ ตโต ภวราคานุสยํ ปชหติฯ รูปธาตุยา อรูปธาตุยา ตโต มานานุสยญฺจ ปชหติ ภวราคานุสยญฺจ ปชหติฯ

(ข) ยโต วา ปน ภวราคานุสยํ ปชหติ ตโต มานานุสยํ ปชหตีติ? อามนฺตาฯ

(ก) ยโต มานานุสยํ ปชหติ ตโต อวิชฺชานุสยํ ปชหตีติ? อามนฺตาฯ

(ข) ยโต วา ปน อวิชฺชานุสยํ ปชหติ ตโต มานานุสยํ ปชหตีติ?

ทุกฺขาย เวทนาย ตโต อวิชฺชานุสยํ ปชหติ, โน จ ตโต มานานุสยํ ปชหติฯ กามธาตุยา ทฺวีสุ เวทนาสุ รูปธาตุยา อรูปธาตุยา ตโต อวิชฺชานุสยญฺจ ปชหติ มานานุสยญฺจ ปชหติฯ

[146] (ก) ยโต ทิฏฺฐานุสยํ ปชหติ ตโต วิจิกิจฺฉานุสยํ ปชหตีติ? อามนฺตาฯ

(ข) ยโต วา ปน วิจิกิจฺฉานุสยํ ปชหติ ตโต ทิฏฺฐานุสยํ ปชหตีติ? อามนฺตา …เป.…ฯ

[147] (ก) ยโต วิจิกิจฺฉานุสยํ ปชหติ ตโต ภวราคานุสยํ ปชหตีติ?

กามธาตุยา ตีสุ เวทนาสุ ตโต วิจิกิจฺฉานุสยํ ปชหติ, โน จ ตโต ภวราคานุสยํ ปชหติฯ รูปธาตุยา อรูปธาตุยา ตโต วิจิกิจฺฉานุสยญฺจ ปชหติ ภวราคานุสยญฺจ ปชหติฯ

(ข) ยโต วา ปน ภวราคานุสยํ ปชหติ ตโต วิจิกิจฺฉานุสยํ ปชหตีติ? อามนฺตาฯ

(ก) ยโต วิจิกิจฺฉานุสยํ ปชหติ ตโต อวิชฺชานุสยํ ปชหตีติ? อามนฺตาฯ

(ข) ยโต วา ปน อวิชฺชานุสยํ ปชหติ ตโต วิจิกิจฺฉานุสยํ ปชหตีติ? อามนฺตาฯ

[148] (ก) ยโต ภวราคานุสยํ ปชหติ ตโต อวิชฺชานุสยํ ปชหตีติ? อามนฺตาฯ

(ข) ยโต วา ปน อวิชฺชานุสยํ ปชหติ ตโต ภวราคานุสยํ ปชหตีติ?

กามธาตุยา ตีสุ เวทนาสุ ตโต อวิชฺชานุสยํ ปชหติ โน จ ตโต ภวราคานุสยํ ปชหติฯ รูปธาตุยา อรูปธาตุยา ตโต อวิชฺชานุสยญฺจ ปชหติ ภวราคานุสยญฺจ ปชหติฯ (เอกมูลกํ)

[149] (ก) ยโต กามราคานุสยญฺจ ปฏิฆานุสยญฺจ ปชหติ ตโต มานานุสยํ ปชหตีติ? นตฺถิฯ

(ข) ยโต วา ปน มานานุสยํ ปชหติ ตโต กามราคานุสยญฺจ ปฏิฆานุสยญฺจ ปชหตีติ?

รูปธาตุยา อรูปธาตุยา ตโต มานานุสยํ ปชหติ, โน จ ตโต กามราคานุสยญฺจ ปฏิฆานุสยญฺจ ปชหติฯ กามธาตุยา ทฺวีสุ เวทนาสุ ตโต มานานุสยญฺจ กามราคานุสยญฺจ ปชหติ, โน จ ตโต ปฏิฆานุสยํ ปชหติฯ

ยโต กามราคานุสยญฺจ ปฏิฆานุสยญฺจ ปชหติ ตโต ทิฏฺฐานุสยํ…เป.… วิจิกิจฺฉานุสยํ ปชหตีติ? นตฺถิฯ

ยโต วา ปน วิจิกิจฺฉานุสยํ ปชหติ ตโต กามราคานุสยญฺจ ปฏิฆานุสยญฺจ ปชหตีติ?

รูปธาตุยา อรูปธาตุยา ตโต วิจิกิจฺฉานุสยํ ปชหติ, โน จ ตโต กามราคานุสยญฺจ ปฏิฆานุสยญฺจ ปชหติฯ กามธาตุยา ทฺวีสุ เวทนาสุ ตโต วิจิกิจฺฉานุสยญฺจ กามราคานุสยญฺจ ปชหติ, โน จ ตโต ปฏิฆานุสยํ ปชหติฯ ทุกฺขาย เวทนาย ตโต วิจิกิจฺฉานุสยญฺจ ปฏิฆานุสยญฺจ ปชหติ, โน จ ตโต กามราคานุสยํ ปชหติฯ

(ก) ยโต กามราคานุสยญฺจ ปฏิฆานุสยญฺจ ปชหติ ตโต ภวราคานุสยํ ปชหตีติ? นตฺถิฯ

(ข) ยโต วา ปน ภวราคานุสยํ ปชหติ ตโต กามราคานุสยญฺจ ปฏิฆานุสยญฺจ ปชหตีติ? โนฯ

(ก) ยโต กามราคานุสยญฺจ ปฏิฆานุสยญฺจ ปชหติ ตโต อวิชฺชานุสยํ ปชหตีติ? นตฺถิฯ

(ข) ยโต วา ปน อวิชฺชานุสยํ ปชหติ ตโต กามราคานุสยญฺจ ปฏิฆานุสยญฺจ ปชหตีติ?

รูปธาตุยา อรูปธาตุยา ตโต อวิชฺชานุสยํ ปชหติ, โน จ ตโต กามราคานุสยญฺจ ปฏิฆานุสยญฺจ ปชหติฯ กามธาตุยา ทฺวีสุ เวทนาสุ ตโต อวิชฺชานุสยญฺจ กามราคานุสยญฺจ ปชหติ, โน จ ตโต ปฏิฆานุสยํ ปชหติฯ ทุกฺขาย เวทนาย ตโต อวิชฺชานุสยญฺจ ปฏิฆานุสยญฺจ ปชหติ, โน จ ตโต กามราคานุสยํ ปชหติฯ (ทุกมูลกํ)

[150] ยโต กามราคานุสยญฺจ ปฏิฆานุสยญฺจ มานานุสยญฺจ ปชหติ ตโต ทิฏฺฐานุสยํ…เป.… วิจิกิจฺฉานุสยํ ปชหตีติ? นตฺถิฯ

ยโต วา ปน วิจิกิจฺฉานุสยํ ปชหติ ตโต กามราคานุสยญฺจ ปฏิฆานุสยญฺจ มานานุสยญฺจ ปชหตีติ?

รูปธาตุยา อรูปธาตุยา ตโต วิจิกิจฺฉานุสยญฺจ มานานุสยญฺจ ปชหติ, โน จ ตโต กามราคานุสยญฺจ ปฏิฆานุสยญฺจ ปชหติฯ กามธาตุยา ทฺวีสุ เวทนาสุ ตโต วิจิกิจฺฉานุสยญฺจ กามราคานุสยญฺจ มานานุสยญฺจ ปชหติ, โน จ ตโต ปฏิฆานุสยํ ปชหติฯ ทุกฺขาย เวทนาย ตโต วิจิกิจฺฉานุสยญฺจ ปฏิฆานุสยญฺจ ปชหติ, โน จ ตโต กามราคานุสยญฺจ มานานุสยญฺจ ปชหติฯ

(ก) ยโต กามราคานุสยญฺจ ปฏิฆานุสยญฺจ มานานุสยญฺจ ปชหติ ตโต ภวราคานุสยํ ปชหตีติ? นตฺถิฯ

(ข) ยโต วา ปน ภวราคานุสยํ ปชหติ ตโต กามราคานุสยญฺจ ปฏิฆานุสยญฺจ มานานุสยญฺจ ปชหตีติ?

มานานุสยํ ปชหติฯ

(ก) ยโต กามราคานุสยญฺจ ปฏิฆานุสยญฺจ มานานุสยญฺจ ปชหติ ตโต อวิชฺชานุสยํ ปชหตีติ? นตฺถิฯ

(ข) ยโต วา ปน อวิชฺชานุสยํ ปชหติ ตโต กามราคานุสยญฺจ ปฏิฆานุสยญฺจ มานานุสยญฺจ ปชหตีติ?

รูปธาตุยา อรูปธาตุยา ตโต อวิชฺชานุสยญฺจ มานานุสยญฺจ ปชหติ, โน จ ตโต กามราคานุสยญฺจ ปฏิฆานุสยญฺจ ปชหติ ฯ กามธาตุยา ทฺวีสุ เวทนาสุ ตโต อวิชฺชานุสยญฺจ กามราคานุสยญฺจ มานานุสยญฺจ ปชหติ, โน จ ตโต ปฏิฆานุสยํ ปชหติฯ ทุกฺขาย เวทนาย ตโต อวิชฺชานุสยญฺจ ปฏิฆานุสยญฺจ ปชหติ, โน จ ตโต กามราคานุสยญฺจ มานานุสยญฺจ ปชหติฯ (ติกมูลกํ)

[151] (ก) ยโต กามราคานุสยญฺจ ปฏิฆานุสยญฺจ มานานุสยญฺจ ทิฏฺฐานุสยญฺจ ปชหติ ตโต วิจิกิจฺฉานุสยํ ปชหตีติ? นตฺถิฯ

(ข) ยโต วา ปน วิจิกิจฺฉานุสยํ ปชหติ ตโต กามราคานุสยญฺจ ปฏิฆานุสยญฺจ มานานุสยญฺจ ทิฏฺฐานุสยญฺจ ปชหตีติ?

รูปธาตุยา อรูปธาตุยา ตโต วิจิกิจฺฉานุสยญฺจ มานานุสยญฺจ ทิฏฺฐานุสยญฺจ ปชหติ, โน จ ตโต กามราคานุสยญฺจ ปฏิฆานุสยญฺจ ปชหติฯ กามธาตุยา ทฺวีสุ เวทนาสุ ตโต วิจิกิจฺฉานุสยญฺจ กามราคานุสยญฺจ มานานุสยญฺจ ทิฏฺฐานุสยญฺจ ปชหติ, โน จ ตโต ปฏิฆานุสยํ ปชหติฯ ทุกฺขาย เวทนาย ตโต วิจิกิจฺฉานุสยญฺจ ปฏิฆานุสยญฺจ ทิฏฺฐานุสยญฺจ ปชหติ, โน จ ตโต กามราคานุสยญฺจ มานานุสยญฺจ ปชหติ …เป.…ฯ (จตุกฺกมูลกํ)

[152] (ก) ยโต กามราคานุสยญฺจ ปฏิฆานุสยญฺจ มานานุสยญฺจ ทิฏฺฐานุสยญฺจ วิจิกิจฺฉานุสยญฺจ ปชหติ ตโต ภวราคานุสยํ ปชหตีติ? นตฺถิฯ

(ข) ยโต วา ปน ภวราคานุสยํ ปชหติ ตโต กามราคานุสยญฺจ ปฏิฆานุสยญฺจ มานานุสยญฺจ ทิฏฺฐานุสยญฺจ วิจิกิจฺฉานุสยญฺจ ปชหตีติ?

มานานุสยญฺจ ทิฏฺฐานุสยญฺจ วิจิกิจฺฉานุสยญฺจ ปชหติฯ

(ก) ยโต กามราคานุสยญฺจ ปฏิฆานุสยญฺจ มานานุสยญฺจ ทิฏฺฐานุสยญฺจ วิจิกิจฺฉานุสยญฺจ ปชหติ ตโต อวิชฺชานุสยํ ปชหตีติ? นตฺถิฯ

(ข) ยโต วา ปน อวิชฺชานุสยํ ปชหติ ตโต กามราคานุสยญฺจ ปฏิฆานุสยญฺจ มานานุสยญฺจ ทิฏฺฐานุสยญฺจ วิจิกิจฺฉานุสยญฺจ ปชหตีติ?

รูปธาตุยา อรูปธาตุยา ตโต อวิชฺชานุสยญฺจ มานานุสยญฺจ ทิฏฺฐานุสยญฺจ วิจิกิจฺฉานุสยญฺจ ปชหติ, โน จ ตโต กามราคานุสยญฺจ ปฏิฆานุสยญฺจ ปชหติฯ กามธาตุยา ทฺวีสุ เวทนาสุ ตโต อวิชฺชานุสยญฺจ กามราคานุสยญฺจ มานานุสยญฺจ ทิฏฺฐานุสยญฺจ วิจิกิจฺฉานุสยญฺจ ปชหติ, โน จ ตโต ปฏิฆานุสยํ ปชหติฯ

ทุกฺขาย เวทนาย ตโต อวิชฺชานุสยญฺจ ปฏิฆานุสยญฺจ ทิฏฺฐานุสยญฺจ วิจิกิจฺฉานุสยญฺจ ปชหติ, โน จ ตโต กามราคานุสยญฺจ มานานุสยญฺจ ปชหติฯ (ปญฺจกมูลกํ)

[153] (ก) ยโต กามราคานุสยญฺจ ปฏิฆานุสยญฺจ มานานุสยญฺจ ทิฏฺฐานุสยญฺจ วิจิกิจฺฉานุสยญฺจ ภวราคานุสยญฺจ ปชหติ ตโต อวิชฺชานุสยํ ปชหตีติ? นตฺถิฯ

(ข) ยโต วา ปน อวิชฺชานุสยํ ปชหติ ตโต กามราคานุสยญฺจ ปฏิฆานุสยญฺจ มานานุสยญฺจ ทิฏฺฐานุสยญฺจ วิจิกิจฺฉานุสยญฺจ ภวราคานุสยญฺจ ปชหตีติ?

รูปธาตุยา อรูปธาตุยา ตโต อวิชฺชานุสยญฺจ มานานุสยญฺจ ทิฏฺฐานุสยญฺจ วิจิกิจฺฉานุสยญฺจ ภวราคานุสยญฺจ ปชหติ, โน จ ตโต กามราคานุสยญฺจ ปฏิฆานุสยญฺจ ปชหติฯ กามธาตุยา ทฺวีสุ เวทนาสุ ตโต อวิชฺชานุสยญฺจ กามราคานุสยญฺจ มานานุสยญฺจ ทิฏฺฐานุสยญฺจ วิจิกิจฺฉานุสยญฺจ ปชหติ, โน จ ตโต ปฏิฆานุสยญฺจ ภวราคานุสยญฺจ ปชหติฯ ทุกฺขาย เวทนาย ตโต อวิชฺชานุสยญฺจ ปฏิฆานุสยญฺจ ทิฏฺฐานุสยญฺจ วิจิกิจฺฉานุสยญฺจ ปชหติ, โน จ ตโต กามราคานุสยญฺจ มานานุสยญฺจ ภวราคานุสยญฺจ ปชหติฯ (ฉกฺกมูลกํ)

(ค) อนุโลมปุคฺคโลกาสา

[154] (ก) โย ยโต กามราคานุสยํ ปชหติ โส ตโต ปฏิฆานุสยํ ปชหตีติ? โนฯ

(ข) โย วา ปน ยโต ปฏิฆานุสยํ ปชหติ โส ตโต กามราคานุสยํ ปชหตีติ? โนฯ

(ก) โย ยโต กามราคานุสยํ ปชหติ โส ตโต มานานุสยํ ปชหตีติ?

ตเทกฏฺฐํ ปชหติฯ

(ข) โย วา ปน ยโต มานานุสยํ ปชหติ โส ตโต กามราคานุสยํ ปชหตีติ? โนฯ

โย ยโต กามราคานุสยํ ปชหติ โส ตโต ทิฏฺฐานุสยํ…เป.… วิจิกิจฺฉานุสยํ ปชหตีติ? โนฯ

โย วา ปน ยโต วิจิกิจฺฉานุสยํ ปชหติ โส ตโต กามราคานุสยํ ปชหตีติ?

อฏฺฐมโก ทุกฺขาย เวทนาย รูปธาตุยา อรูปธาตุยา โส ตโต วิจิกิจฺฉานุสยํ ปชหติ, โน จ โส ตโต กามราคานุสยํ ปชหติฯ